St.Michael's CSI Church Kollad: August 2017

ചരിത്രവീഥിയിലൂടെ സഞ്ചരിക്കാം..

പഴയകാലസുറിയാനി പാരമ്പര്യത്തില്‍ കഴിഞ്ഞുവരവെ മലയാളനാട്ടില്‍ ആദ്യമായി മലയാളത്തില്‍ കുര്‍ബ്ബാന അര്‍പ്പിച്ച ദേവാലയം..
ഈ കുര്‍ബ്ബാനയാണ് കേരളത്തിലെ മാര്‍ത്തോമ്മ സഭകളുടെ ആരാധനയിലെ നവീകരണത്തിന് വഴി തുറന്നത്..
കൈതയില്‍ ഗീവര്‍ഗീസ് മല്പാന്‍ ആയിരുന്നു അക്കാലത്ത് മലയാളത്തില്‍ കുര്‍ബ്ബാന അര്‍പ്പിച്ച പുരോഹിതന്‍. അദ്ദേഹത്തിന്റെ സ്വന്തമായിരുന്ന ഈ ദേവാലയം 1838 ല്‍ സി.എം.എസ്. മിഷനറിയായ ഹെന്റ്റി ബേക്കര്‍ 1000പണത്തിന് വി‌ലയ്ക്കുവാങ്ങി CMS സഭയോടു ചേര്‍ത്തു.

ഇന്നീക്കാണുന്ന ദേവാലയം നമുക്കായി തന്ന നവീകരണ ശില്പിയായ ഹെന്റ്റി ബേക്കര്‍ പള്ളത്ത് ആയിരുന്നു താമസിച്ചിരുന്നത്.

അന്ന് പള്ളം മുതല്‍ കൊല്ലാട് ( കൊല്ലനാട് എന്നാണ് പഴയ സ്ഥലനാമം) വരെ വനപ്രദേശമായതിനാല്‍ കുതിരവണ്ടിയിലാണ് റവ.ഹെന്‍റി ബേക്കര്‍ കൊല്ലാട്ട് വന്നിരുന്നത്.

Sunday, August 20, 2017

പുതിയ ഭരണസമിതി ചുമതലയേറ്റു .

പുതിയ ഭരണസമിതി ചുമതലയേറ്റു .
ഇന്ന് രാവിലെ ആരാധനാ മദ്ധ്യേ 2017-2020 വർഷത്തേക്കുള്ള പുതിയ ഭരണ സമിതിയിലെ കൈക്കാരൻമാരെയും കമ്മിറ്റിയംഗങ്ങളെയും ഇടവക വികാരി റെവ.പി.എൽ.ഷിബു അച്ചൻ പ്രാർത്ഥിച്ചു പ്രതിഷ്ഠിച്ചു.ആരാധനയ്ക്കു ശേഷം പുതിയ കമ്മിറ്റിയുടെ പ്രഥമ യോഗം ഔദ്യോഗികമായി നടത്തപ്പെട്ടു.

Friday, August 18, 2017

ഇടവക വികാരിയുടെ സന്ദേശം

കർത്താവിൽ പ്രിയരേ,

കൂദാശ അഥവാ സാക്രമെന്തുകളെക്കുറിച്ചു ചിന്തിക്കുന്ന ഒരു മാസമാണ് ഇത്.ലാറ്റിൻ ഭാഷയിലെ സാക്രമെന്റം എന്ന പദത്തിൽ നിന്നാണ് ഇതിന്റെ ഉത്ഭവം.പുരാതന റോമൻ ഭരണകാലത്തു പാവന പ്രതിജ്ഞ എന്നർത്ഥം വരുന്ന സാക്രമെന്റം എന്ന പദം ഒരു പടയാളി തന്റെ രാജാവിനോട് ആത്മാർത്ഥതയും വിശ്വസ്തതയും പുലർത്തും എന്ന് പ്രതിജ്ഞ ചെയ്യുന്നതിനെക്കുറിക്കുന്നു. സാക്രമെന്ത് എന്നാൽ അകമേ നാം പ്രാപിച്ച കൃപയുടെ പുറമെയുള്ള അടയാളം എന്നാണ് പൊതുവെ നാം പറയുന്നത്.ദക്ഷിണേന്ത്യ സഭയ്ക്ക് രണ്ടു കൂദാശകൾ മാത്രമാണുള്ളത്.
1.സ്നാനം (ഒരിക്കൽ മാത്രം ചെയ്യുന്നു)
2.വിശുദ്ധ സംസർഗ്ഗം (അവസരം ലഭിക്കുമ്പോഴൊക്കെയും , യേശുക്രിസ്തു വിന്റെ രണ്ടാം വരവ് വരെ ചെയ്യുന്നു)

Thursday, August 17, 2017

Twelve Days of Christmas with Lyrics Christmas Carol & Song Children Lov...

നവീകരണ കാലഘട്ടം (1836- 1899)

മലങ്കര സഭയുടെ നവീകരണ പ്രവർത്തനങ്ങൾക്ക് നേതൃത്വം നൽകിയത് പുന്നത്തറ മാർ ദിയോന്യസിയൂസിന്റെ നവീകരണ കമ്മിറ്റിയിലെ പ്രധാന അംഗങ്ങൾ ആയിരുന്ന പാലക്കുന്നത്ത് അബ്രഹാം മല്പാനും (മാരാമൺ) കൈതയിൽ ഗീവർഗീസ് മല്പാനും (കോട്ടയം) ആയിരുന്നു.ഒരു പ്രത്യേക സഭയുണ്ടാക്കുന്നതിൽ അവര്‍ക്ക് ഒട്ടും താല്പര്യം ഉണ്ടായിരുന്നില്ല. സഭയ്ക്ക് അകത്തു തന്നെ നിന്നുകൊണ്ട് മലങ്കര സഭയെ നവീകരിക്കുന്നതിലായിരുന്നു അവർക്ക് താല്പര്യം. ഈ സംഘം ആംഗലേയ സുവുശേഷകരിൽ നിന്ന് ലഭിച്ച ആഗോള ദിശാബോധത്തിന്നു അനുസരണമായി 1836-ൽ അന്നത്തെ ബ്രിട്ടീഷ് റസിഡന്റ് ആയിരുന്ന കേണൽ ഫ്രേസർക്ക് ഒരു മെമ്മോറൻഡം സമർപ്പിക്കുകയും ചെയ്തു.

പക്ഷേ മെമ്മോറൻഡം കൊണ്ട് ഫലം ഒന്നും ഉണ്ടാകുന്നില്ല എന്നു കണ്ട അബ്രഹാം മല്പാൻ തന്നോട് വിധേയത്വം പുലർത്തുന്ന തന്റെ ഇടവകയായ മാരാമൺ പള്ളിയിൽ തന്നെ നവീകരണ ആശയങ്ങൾ നടപ്പിലാക്കാൻ നിശ്ചയിച്ചു. ആദ്യമായി അദ്ദേഹം സുറിയാനിയിൽ ചൊല്ലികൊണ്ടിരുന്ന കുർബ്ബാന ക്രമം മലയാളത്തിലേക്ക് പരിഭാഷപ്പെടുത്തി. വേദപുസ്തക പരാമർശമില്ല എന്ന് കണ്ട് മരിച്ചവർക്കുവേണ്ടിയും, വിശുദ്ധന്മാരോടുമുള്ള പ്രാർത്ഥനകൾ അദ്ദേഹം കുർബ്ബാന ക്രമത്തിൽ നിന്നു നീക്കി. ഈ പരിഷ്ക്കരിച്ച കുർബ്ബാന ക്രമം ഉപയോഗിച്ച് 1836-ൽ ഒരു ഞായറാഴ്ച മാരാമൺ പള്ളിയിൽ അദ്ദേഹം കുര്‍ബ്ബാന ചൊല്ലി. കൈതയിൽ ഗീവർഗീസ് മല്പാന്‍ കൊല്ലാട് പള്ളിയിലും കുര്‍ബ്ബാന ചൊല്ലി. ഇത് മലങ്കര സഭയിലെ യാഥാസ്തിതികയ്ക് ഇളക്കം തടുത്തതായുള്ള ആദ്യത്തെ പ്രവർത്തനം ആയിരുന്നു.