ഗായകസംഘഭാരവാഹികളുടെ തെരഞ്ഞെടുപ്പ്
ദൈവഹിതമാകയാൽ 2019 July 7 ഞായറാഴ്ച അടുത്ത മൂന്നു വർഷം ഗായകസംഘത്തെ നയിക്കുന്നതിനുള്ള ഭാരവാഹികളുടെ തെരഞ്ഞെടുപ്പ് കൊല്ലാട് സെന്റ്.മിഖായേൽ സി.എസ്.ഐ ഇടവകയിൽ വച്ച് നടത്തപ്പെട്ടു.ആരാധനയ്ക്കു ശേഷം നടത്തപ്പെട്ട യോഗത്തിൽ ഇടവക വികാരിയായ പി.എൽ.ഷിബു അച്ചൻ അധ്യക്ഷനായിരുന്നു. പ്രാർത്ഥനയ്ക്ക് ശേഷം ക്വയർമാസ്റ്റർ ജോൺസൻ ദാനിയേൽ ഏവർക്കും സ്വാഗതം ആശംസിച്ചു. തുടർന്ന് സെക്രട്ടറി കുര്യൻ കെ പോൾ വാർഷിക റിപ്പോർട്ട് വായിച്ചു. യോഗം റിപ്പോർട്ട് പാസാക്കി. തുടർന്ന് അധ്യക്ഷപ്രസംഗത്തിനു ശേഷം അച്ചൻ വരണാധികാരിയായി ഭാരവാഹികളുടെ തെരഞ്ഞെടുപ്പ് നടത്തി. അജി എബ്രഹാം, ജീന ജോസ് എന്നിവർ വൈസ് പ്രസിഡന്റ്മാ രായും ഹരീഷ്‌മോൻ ഷിബു സെക്രട്ടറിയായും തെരഞ്ഞെടുക്കപ്പെട്ടു.തുടർന്ന് മുൻ സെക്രട്ടറി കുര്യൻ കെ പോൾ റിപ്പോർട്ട് ബുക്ക് പുതിയ സെക്രട്ടറിയ്ക്ക് കൈമാറിയതോടെ പുതിയ ഭാരവാഹികൾ നിലവിൽ വന്നു.അതിനുശേഷം ഹരീഷ്‌മോൻ ഷിബു നന്ദി പറഞ്ഞു.അച്ചന്റെ പ്രാർത്ഥനയോടെ യോഗം സമംഗളം പര്യവസാനിച്ചു.
