The English Worship at CSI church Kollad on 6th May 2018

        നമ്മുടെ ഇടവക ആദ്യമായി ഇംഗ്ലീഷ് ആരാധന നടത്തുവാൻ ഒരുങ്ങുകയാണ്.

180 ആം വർഷത്തിലേക്കു പ്രവേശിക്കുമ്പോൾ പുതുമയാർന്ന അനേകം കാര്യങ്ങൾ ചെയ്യുവാനുണ്ട്.

        നമ്മുടെ ഇടവകയിലെ വളർന്നു വരുന്ന അഭ്യസ്തവിദ്യരായ തലമുറയ്ക്ക് ഒരു പ്രചോദനം നൽകുന്നതിനാണ്  ഇത്തരം ഒരു ശുശ്രൂഷാ ക്രമം മാസത്തിലെ അവസാന ഞായറാഴ്ച നടത്തുവാൻ നാം തീരുമാനിച്ചത്.

നമ്മുടെ ഇടവകയുടെ 179 ആം പ്രതിഷ്ഠാദിനമാണ്.സെപ്റ്റംബർ 29

സെപ്റ്റംബർ 29 നമ്മുടെ ഇടവകയുടെ 179 ആം പ്രതിഷ്ഠാദിനമാണ്.അന്ന് വൈകുന്നേരം 7.30 നു ദേവാലയത്തിൽ വിശുദ്ധ സംസർഗ്ഗത്തോടെ ആരാധന ഉണ്ടായിരിക്കുന്നതാണ്.നമ്മുടെ എല്ലാ കുടുംബാംഗങ്ങളും ഈ സന്ധ്യാരാധനയിൽ വന്നു പങ്കെടുക്കേണ്ടതാണ്.

ഇന്ന് മഹായിടവക നിശ്ചയപ്രകാരം നാം വയോജനദിനമായി ആചരിച്ചു.
ഇടവകയിലെ വയോജനങ്ങൾ പാഠം വായിക്കുകയും ഇടവകാംഗം കൂടിയായ ചാക്കോ ശാസ്ത്രിയച്ചൻ വചന ശുശ്രൂഷ നിർവഹിക്കുകയും ചെയ്തു.

ഇന്ന് ഗായക സംഘഞായർ
ഇന്ന്സെ പ്തംബർ  മാസത്തിലെ ഒന്നാം ഞായർ നമ്മൾ ഗായകസംഘ ഞായറായി ആചരിച്ചു.
വേദഭാഗങ്ങളും വചനശുശ്രൂഷയും കയ്യസൂരി,സ്തോത്രകാഴ്ച തുടങ്ങിയ ശുശ്രൂഷാഭാഗങ്ങളും ഗായക സംഘത്തിലെ അംഗങ്ങൾ തന്നെയാണ് ചെയ്തത്.
ശ്രീ.കുര്യൻ കെ പോൾ വചനശുശ്രൂഷ നിർവഹിച്ചു.

പുതിയ ഭരണസമിതി ചുമതലയേറ്റു .

പുതിയ ഭരണസമിതി ചുമതലയേറ്റു .
ഇന്ന് രാവിലെ ആരാധനാ മദ്ധ്യേ 2017-2020  വർഷത്തേക്കുള്ള പുതിയ ഭരണ സമിതിയിലെ കൈക്കാരൻമാരെയും കമ്മിറ്റിയംഗങ്ങളെയും ഇടവക വികാരി റെവ.പി.എൽ.ഷിബു അച്ചൻ പ്രാർത്ഥിച്ചു പ്രതിഷ്ഠിച്ചു.ആരാധനയ്ക്കു ശേഷം പുതിയ കമ്മിറ്റിയുടെ പ്രഥമ യോഗം ഔദ്യോഗികമായി നടത്തപ്പെട്ടു.

ഇടവക വികാരിയുടെ സന്ദേശം

കർത്താവിൽ പ്രിയരേ,

കൂദാശ അഥവാ സാക്രമെന്തുകളെക്കുറിച്ചു ചിന്തിക്കുന്ന ഒരു മാസമാണ് ഇത്.ലാറ്റിൻ ഭാഷയിലെ സാക്രമെന്റം എന്ന പദത്തിൽ നിന്നാണ്  ഇതിന്റെ ഉത്ഭവം.പുരാതന റോമൻ ഭരണകാലത്തു പാവന പ്രതിജ്ഞ എന്നർത്ഥം വരുന്ന സാക്രമെന്റം എന്ന പദം ഒരു പടയാളി തന്റെ രാജാവിനോട് ആത്മാർത്ഥതയും വിശ്വസ്തതയും പുലർത്തും എന്ന് പ്രതിജ്ഞ ചെയ്യുന്നതിനെക്കുറിക്കുന്നു. സാക്രമെന്ത് എന്നാൽ അകമേ നാം പ്രാപിച്ച കൃപയുടെ പുറമെയുള്ള അടയാളം എന്നാണ് പൊതുവെ നാം പറയുന്നത്.ദക്ഷിണേന്ത്യ സഭയ്ക്ക് രണ്ടു കൂദാശകൾ മാത്രമാണുള്ളത്.
1.സ്നാനം (ഒരിക്കൽ മാത്രം ചെയ്യുന്നു)
2.വിശുദ്ധ സംസർഗ്ഗം (അവസരം ലഭിക്കുമ്പോഴൊക്കെയും , യേശുക്രിസ്തു വിന്റെ രണ്ടാം വരവ് വരെ ചെയ്യുന്നു)